Xesta Brava é unha cooperativa sen ánimo de lucro cuxo obxectivo principal é crear conciencia sobre o coidado do entorno que nos rodea. A través de talleres, actividades e dinámicas de educación ambiental, pretendemos conseguir que grandes e pequen@s reconecten coa natureza co fin de coidala e respectala. Tratamos de dar a coñecer e protexer o noso medio, o seu coidado e respecto por todos os seres vivos que o conforman. Entender os ecosistemas como a engranaxe de moitas pezas das que nós formamos parte, e como peza desa engranaxe, temos unha responsabilidade co medio.