DANZA: ESCUELAS , BELLAS ARTES, FOLCLORE, MÚSICA TRADICIONAL A Escola de Baile e Música Tradicional Rebulir nace no ano 2007 no Concello de Ramirás (Ourense). Aínda que de recente creación leva participado en numerosos festivais e actuacións ao longo da xeografía autonómica, estatal e mesmo internacional. Conta con máis de 70 alumnos de todas as idades, divididos en diferentes grupos, sendo o culmen da súa formación entrar a formar parte do grupo de adultos, o cal ano a ano vai aumentando a súa calidade artística. Anualmente organiza diferentes actividades de carácter lúdico-cultural como cursos, obradoiros, charlas, excursións, exposicións… destacando o Festival de Baile e Música Tradicional Rebulir que neste ano 2009 chega a súa IV Edición con grupos galegos, de Asturias, Castela e León e Portugal. Tamén cabe mencionar a Noite de Fiadeiro, que se celebra o derradeiro Sábado de Abril. Nesta festa recuperase a esencia dos antigos Fiadeiros da comarca, onde mozos e mozas xuntábanse para cantar, bailar e tocar, disfrutando do ambiente de troula. Outra das actividades que está a ter moito éxito é o Concurso de Fotografía Antiga, co cal se están a recoller numerosas instantáneas con data anterior a 1980 e que reflicten momentos do que era a vida no Concello e na Comarca de Terras de Celanova fai décadas.